2023 оны 8-р сарын 3 ᠋дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2023 оны 8-р сарын 3 ᠋дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм         

10 хоногийн тойм бичвэр: Говь-Алтай аймгийн нутгаар 2023 оны 8-р сарын гуравдугаар арав хоногийн байдлаар агаарын дундаж температур Алтайн өвөр говиор 22.8-23.1 градус дулаан, бусад сумуудад 11.3-21.8 градус дулаан байлаа. Агаарын хамгийн их температур Шаргад 35, Тооройд 33, Алтай, Бигэрт 31, Хөхморьт, Халиунд 30, Дарив, Тайшир, Төгрөгт 29, бусад сумуудад 22-28 градус дулаан байлаа.

Агаарын хамгийн бага температур Эрдэнэд 3, Гуулин, Цогтод 4, Есөнбулаг, Чандманьд 5, Бугат, Цээлд 6, бусад сумуудад 7-14 градус дулаан байлаа.

Хөрсний гадаргын дундаж температур Хүйс, Бигэрийн говь хоолой, Алтайн өвөр говиор 28-30 градус дулаан, бусад нутгаар 14-27 градус дулаан байлаа. Хөрсний гадаргын хамгийн их температур Тооройд 62, Алтай, Хөхморьтод 61, Цээл, Бигэрт 58, Шаргад 57, Тонхилд 56, Гуулин, Баян-Уулд 54, бусад нутгаар 47-53 градус дулаан байлаа.

Хөрсний гадаргын хамгийн бага температур Эрдэнэд 1, Цогтод 2, Есөнбулаг, Чандмань, Гуулинд 3, Бугат, Дэлгэр, Жаргалан, Цээлд 5 градус дулаан, бусад сумуудад 6-12 градус дулаан байлаа.

Хур тунадасны хувьд энэ арав хоногт нийт нутгийг хамарсан ба Эрдэнэд 26.7 мм, Чандманьд 15.2 мм, Бигэрт 12.4 мм, Цээлд 10.8 мм, Тайширт 10.7 мм, Цогтод 8.1 мм,  Даривт 7.1 мм, Гуулин тосгонд 7.0 мм, Дэлгэрт 6.8 мм, Тооройд 5.2 мм, Баян-Уулд  4.5 мм, Тонхилд 4.4 мм, Төгрөгт 3.4 мм, Есөнбулагт 2.7 мм, Хөхморьтод 1.2 мм, , Жаргаланд 0.7 мм, Бугат, Халиунд 0.6 мм, Шаргад 0.4 мм, Алтайд 0.2 хур тунадас орсон байна. Харин хур тунадас ороогүй газар байхгүй байна.  

Салхины хамгийн их хурд Тонхилд 19 м/с, Хөхморьт, Алтайд 18 м/с, Бугат, Тоорой, Есөнбулаг, Шаргад 16 м/с, бусад сумуудад 5-14 м/с хүрч шороон шуурга шуурсан байна. Нийт нутгаар 10 м/с-ээс дээш салхитай өдрийн тоо 1-10 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Малын тарга хүч дунд зэрэг байна.  

Малын хорогдол: Малын хорогдол энэ сард мал хорогдлын мэдээ ирээгүй байна.

Ургамлын мэдээ: Говь-Алтай аймгийн нийт нутгаар бэлчээрийн ургамлын ажиглалтын талбайд ургамал цухуйлт болон залаалалт, цэцэглэлт, үрийн боловсролтын үе шат ажиглагдсан байна.

Говь-Алтай аймгийн зуншлагын байдал буюу бэлчээрийн ургамлын ургалтын байдал 2023 оны 8 дугаар сарын 21-ний байдлаар Есөнбулаг, Хөхморьт, Баян-Уул, Жаргалан, Төгрөг, Цээл, Шарга сумуудад 32.9 хувьд зуншлага сайн буюу ургалт сайн, 56.6 хувьд зуншлага дунд буюу ургалт удааширалтай Алтай, Бугат, Тонхил, Тоорой, Бигэр, Гуулин тосгон, Дарив, Халиун, Цогт, Чандмань, Эрдэнэ сумууд орж байна. Харин 10.5 хувьд зуншлага муу буюу ургалт муу сумуудад Дэлгэр, Тайшир сумуудад гарсан байна.

Хянасан: Цаг уурын хэлтсийн дарга                              / Т.Дэлгэрмаа /

        Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ  / М.Гүнбилэг /